Documento
Un contrato o convenio di huur ta un convenio entre inquilino y propietario di un asunto o un parti di esey – lesa aki vivienda o parti di un vivienda.
Den un contrato di huur no por tin asunto cu ta contrario na ley. Derecho di huur pues ta derecho obligatorio. Tin entre otro regla legal pa periodo di preaviso, e prijs di huur maximo, costonan adicional y obligacion di mantenimento.
Bo contrato di huur ta legitimo? Loke si o no por ta den bo contrato, ta regla pa ley. Loke ta para den ley semper tin prioridad, hasta si bo a acorda algo diferente cu e propietario. Stipulacion incorecto ta, legalmente mira, no valido.
Relaciona cu e convenio di huur no tin vigente cierto requisito special di forma (vormvrij). Esaki ta significa tambe cu no mester cera e convenio di huur por escrito pa e ta legitimo. No tin anto un requisito di ta por escrito. Un convenio di huur verbal tambe ta valido. Pero nan ta mas dificil sí pa proba ora ta necesario. Por ehempel den caso di un diferencia di opinion cu e propietario. Pesey ta miho pa establece e acuerdonan por escrito den un contrato di huur por escrito.
Carta modelo
Con bo ta skirbi un carta di reclamo?
Como consumidor bo por semper expresa bo malcontento/insatisfaccion. Ademas, si pa cualkier motibo bo tin un reclamo tocante un producto, si e ta defecto o no ta cumpli cu e criterionan anticipa, anto ley ta rekeri di bo pa entrega un reclamo por escrito cerca e comerciante concerni. E carta di reclamo mester ta simple y no mester ta largo.
E carta di reclamo ta un manera efectivo pa mustra bo insatisfaccion cu un producto o servicio.
Un carta di reclamo semper ta miho cu un reclamo verbal. Por escrito bo ta haya e oportunidad di fiha bo palabranan miho formalmente y asina ta haci bo caso mas fuerte. Banda di esey, skirbiendo un carta bo ta haya mas tempo pa pensa y asina mas oportunidad pa prepara bo mes miho pa bo reclamo.
