Busca Facebook

Huurcommissie

E base legal

E huurcommissie a ser institui den decreto di 26 di october 1939, cu e entrada na vigor di e Huurcommissieregeling. E causante directo pa esaki tabata e escasez di vivienda na Aruba y Curaçao a consecuencia di e actividadnan economico (di refineria) cu a aumenta. E Huurcommissieregeling tabatin como meta duna proteccion na e inquilino a traves di regula e aumentonan di prijs di huur y e terminacion di e convenio di huur a traves di notificacion. E areglo despues a keda ratifica den ley (landsverordening) (1942), a keda adapta algun biaha y na 1991 a ser transforma den e Huurcommissieverordening (AB 1991, no. 10). Dia 1 di september 2021 a revoca e Huurcommissieverordening y e stipulacionnan a keda revisa y incorpora den e titulo 4 nobo di Buki 7 di Codigo Civil di Aruba (Boek 7 Burgerlijk Wetboek van Aruba). Cu e integracion di e stipulacionnan di Huurcommissie den titulo 7.4 di Codigo Civil di Aruba tin conexion directo cu e parti general di derecho patrimonial (vermogensrecht), manera regla den Buki 3 y 6, cu ta introduci caba.

Composicion

Huurcommissie ta consisti di tres miembro (cada un cu miembro reemplazante), entre nan un presidente, cu ta nombra y retira a traves di landsbesluit (art. 7:253 jo. 7:255 BWA). Huurcommissie ta dispone di un secretario, cu tambe ta nombra y retira a traves di landsbesluit (art. 7:254 jo. 7:255 BWA). E miembronan y e secretario ta haya pa nan actividad un compensacion, di cual e suma ta ser stipula via landsbesluit (art. 7:256 BWA).

E actual composicion di e huurcommissie ta como lo siguiente:

Presidente sr. mr. R. P. Sommer
Presidente interino *vacante*
Miembro sr. J. B. Wolf
Miembro sr. ing. E. F. Vrolijk
Miembro sustituto sr. M. B. Tromp
Miembro sustituto *vacante*
Secretario sr. R. J. Boekhoudt
Plaatsvervangend secretaris *onbezet*
Scroll To Top
© 2024 Servicio na defensa di consumidor (SEDECO) | Privacy | Cookies | Disclaimer