Caso na Huurcommissie

Entama un caso

Un procedimento cerca Huurcommissie por ser entama solamente via un peticion por escrito (art. 7:257 inciso 1 BWA). E procedimento y tur documento traha a base di titulo 7.4 ta liber di costo (art. 7:260 BWA). Den caso cu un peticion ta yena incompleto, e secretario ta ofrece e peticionario e posibilidad di completa e peticion y den esey ta asisti e persona mas tanto posibel (art. 7:257 inciso 2 BWA).

Tratamnto di e caso

Huurcommissie no ta trata caso si no tin tres miembro presente (art. 7:258 inciso 1 BWA). Huurcommissie por (laga) scucha testigo o experto, cu ta obliga di aparece y di duna e informacion )contra compensacion), tambe esunnan treci pa e partidonan (art. 7:259 BWA). E miembronan y e secretario ta obliga mantene secreto encuanto e deliberacion y tur loke a yega na nan conocimento den e calidad ey (art. 7:261 BWA). E miembronan ademas ta desisti di participa na caso cu ta toca nan esposo(a), famia o famia a traves di matrimonio te cu, y inclusive tercer grado, o den caso unda un di e personanan aki ta involucra como apoderado (art. 7:262 BWA).

E convocacion di partidonan y di testigo y experto pa ta presente na tratamento di e caso ta sucede cu aplicacion corespondiente di titulo 1.10, seccion 3 di Codigo di Procedimento Hudicial (Wetboek van Burgerlijke rechtsvordering) encuanto e reglanan relaciona cu convocacion den caso den cual ta duna un disposicion (beschikking) (art. 7:263 BWA). Inquilino y propietario por laga un apoderado (por escrito) asisti o representa nan (art. 7:264 BWA). Huurcommissie por, prome cu pasa pa tratamento di y decision den un caso, ordena un o mas di su mieebronan pa investiga e asuntonan, o entama un investigacion na e luga, o scucha testigo o experto (art. 7:265 BWA). E secretario ta presente na e sesionnan y ta hiba administracion di e tratamento di contenido di e caso (art. 7:270 BWA).

E consulta y decision

Huurcommissie ta dicidi pa mayoria di voto (art. 7:267 BWA). Cada miembro presenta ta obliga di duna su conseho, pa cuminza cu e miembro mas hoben di edad y e presidente como ultimo (art. 7:266 BWA). E veredicto di Huurcommissie ta ser haci riba e peticion o ta keda añadi como anexo na esey, ta menciona e miembronan cu a duna esaki, y ta keda firma pa e presidente y e secretario (art. 7:268 BWA). Huurcommissie ta trata y dicidi mas pronto posibel riba e casonan treci padilanti na e comision y ta motiva su decisionnan (art. 7: 269 inciso 1 BWA. E presidente ta stipula na fin di e tratamento e fecha di e veredicto y ta anuncia esaki na e partidonan (art. 7:269 inciso 2 BWA). Finalmente e veredicto ta ser anunca na e partidonan via carta certifica (art 7:269 inciso 3 BWA).

E registronan

E secretario ta mantene dos registro separa, esta:

• Di veredicto di huurcommissie relaciona cu stipulacion di prijs di huur (‘Vaststellingen’);
• Di e veredictonan di huurcommissie relaciona cu permiso ddi terminacion di huur (‘Beëindiging’).

Den e registronan anteriormente menciona tur caso ta keda administra segun secuencia den cual a entama nan, menciona en corto (art. 7:272 BWA). E secretario por, riba peticion por escrito, duna informacion por escrito concerniente veredicto di Huurcommissie (art. 7:271 BWA).

Apelacion den caso di disputa diHhuurcommissie

Den caso di veredicto di Huurcommissie tin oportunidad di apelacion tanto pa inquilino como propietario di apelacion durante seis (6) siman despues di e fecha di e anuncio cerca huez di prome instancia (art. 7:246 inciso 1 BWA y art. 7:252 BWA). Den caso di entama apelacion cerca huez di prome instancia e seccionnan 3, 4 y 6 di titulo 10, buki 1 di Codigo di Procedimento Civil (Wetboek van Burgerlijke Rechtsvordering) ta di aplicacion corespondiente. Huez di prome instancia ta trata y dicidi e casonan treci na su persona lo mas pronto posibel, y por confirma e veredicto o e ta haci loke e Huurcommissie mester a haci (art. 7:246 inciso 2 BWA). Contra su disposicion (beschikking) no tin otro recurso disponibel cu casacion den interes di ley (art. 7:246 inciso 3 BWA).