Departamento di Inspeccion ta responsabel pa haci inspeccion den caso di disputa di huur y di consumidor y di tene supervision riba cumplimento cu ley y regulacion vigente den asunto di consumidor. Por haci esey riba peticion di cliente, pero e por tuma luga tambe a base di actuacion oficial (ambtshalve). E controleur ta percura pa redaccion di e rapport di loke a constata den e inspeccion menciona anteriormente.
Un rapport di Sedeco den hopi caso por tin un influencia positivo riba cumplimento di e acuerdonan entre partido, y den disputa di huur e tin un influencia positivo riba restitucion di e suma di garantia na final di e convenio di huur. E peticionnan pa inspeccion cu por haci cerca departamento di inspeccion ta:
- Un peticion pa haci inspeccion di e estado di aceptacion (‘staat van aanvaarding’) di e propiedad cu a huur na inicio di e convenio di huur;
- Un peticion pa haci un inspeccion previo y/o final di e estado di e propiedad cu a huur, na final di e convenio di huur;
- Un peticion pa haci inspeccion na un empresa pa controla cumplimento cu derecho di consumidor.
Pa mas informacion tocante departamento di inspeccion, click aki insert link ‘Inspectie’
