Sedeco ta responsabel pa duna informacion relaciona cu derecho y obligacion di consumidor y inquilino riba tereno di asunto di consumidor, respectivamente asunto di huur en general. Banda di e obligacion di informacion general e servicio ta duna tambe informacion encuanto derecho di huur y consumidor na e cliente den reclamo y/o disputa di caso individual.

Por duna e informacion aki tambe riba peticion di tanto e consumidor/inquilino (partido mas debil) como na e bendedo/propietario (partido mas fuerte). Esey ta asina pasobra e consumidor/inquilino por tin beneficio cu e bendedo/propietario ta bon informa y ta atene su mes na regla. E cliente, den un caso asina por haci pregunta al caso pa asina haya e informacion necesario tocante su caso specifico y e circunstancianan.