Kico ta huur? E definicion di huur por haya den articulo 7:201 BWA y ta bisa:
“Huur ta e convenio den cual un partido, e ‘propietario’ (arrendador, doño, propietario) ta compromete cu e otro partido, e ‘inquilino’ (inquilino, ocupante), pa duna un asunto o parti di uno den uso y e inquilino ta compromete au mes na un contraprestacion.”
For di esaki por saca e siguiente condicionnan:

1. Huur ta un convenio

Esaki ta implica cu e reglanan general di derecho contractual (Verbintenissenrecht Boek 6) ta aplicabel pa e convenio di huur, cu excepcion di stipulacionnan special iregular. Huur no autorisa tambe ta resulta den un convenio di huur valido.

2. Un asunto o un parti di esey

Aunke e stipulacionnan encuanto huur ta tuma un asunto ya cu esaki mas tanto ta e caso, loke ta huur por concerni tambe algo cu ta concerni derecho patrimonial (vermogensrecht) (art. 7:201 lid 2 BWA). Huur di un parti di un asunto tambe ta posibel, por ehempel un parti di un muraya pa pone propaganda. Huur di un asunto no mester ta pa un periodo continuo, pero por ta tambe, pa algun dia pa siman. Si ta asina cu loke ta huur mester ta suficientemente determinabel (art. 6:227 BWA). E huur di un locker na aeropuerto no ta suficuentemente determinabel, pero sí den caso cu ta menciona specificamente e number di e locker.

3. E propietario (verhuurder) ta compromete pa duna den uso na e ocupante/inquilino

E termino ‘in gebruik’ (den uso) ta nobo en comparacion cu e articulo anterior 7A:1565 BWA, den cual tabata papia di ‘genot’. Cu esaki e legislador tabata kier a clarifica cu e simple suministro di ‘gozo’ di e asunto sin entrega esey ainda no ta haci e convenio uno di huur. Di otro banda sí por papia di huur si a duna e asunto den uso, pero e inquilino no ta capaz di berdaderamente tin gozo di esey pa circunstancia cu ta debi na su persona mes.

4. E inquilino ta comprometi na un contraprestacion

Segun e articulo anterior 7A: 1565 BWA e pago di un cierto ‘suma’ ta un condicion pa huur. Den hurisdiccion tabata acepta caba mester ta trata solamente di un ‘contraprestacion’ cu no necesariamente mester ta expresa den placa, aunke cu esaki den practica lo ta asina den mayoria di caso. Si ta asina cu e contraprestacion mester ta suficientemente determinabel.

Cu e pregunta kico si o kico no por considera como huur, e alcance (intencion) di e ley ta determinante. E suceso di hecho ta determinante pa e pregunta si ta trata di huur y no di e forma huridico o e nomber di e contrato.