Busca Facebook

Condicionnan General

E condicionnan general cu ta pertenece na un convenio, mas tanto ta intenciona pa exclui cierto caso(nan) manera e responsabilidad, garantia, devolucion di compra o disolucion di e convenio. Mira generalmente ta haci un separacion entre dos partido profesional y entre un partido profesional y un consumidor. Consumidor ta disfruta di un miho proteccion contra cierto condicion general cu ta inclui. Pasobra lo ta straño si un bendedo o un otro empresa por sin mas exclui un cantidad di cos manehando condicionnan general. Pero esey ta pasa hopi biaha. Tin vez por haya condicionnan general hopi malo cu ta redondamente en pugna cu ley.

Pa haya sa cual stipulacionnan no por aplica, mester consulta e lista shinishi y e lista preto. Ambos lista ta menciona den articulonan legal 6:236 BW y 6:237 BW. E dos listanan aki ta bastante conoci cerca mayoria di hende. E stipulacionnan riba e listanan aki, ta ser marca como irasonabelmente ‘oneroso’, o ta supone cu nan ta irasonabelmente pisa (oneroso).

Condicionnan general (Boek 6, titel 5 Convenio en general)

Articulo 231

Den e seccion aki ta comprende bao di:

condicionnan general: un o mas condicion negocia por escrito cu a  redacta cu e meta di inclui nan den un serie di convenio, cu excepcion di condicion cu ta indica e esencia di e prestacionnan;

 

usuario : Esun cu ta usa e condicionnan general ey;

 

contrapartido : Esun cu a traves di firma di un documento o di algun otro manera a acepta e validez di condicionnan general.

 

 

Articulo 232

Un contrapartido ta mara na e condicionnan general tambe, si e usuario na ciere di e convenio a comprende o mester a comprende cu e no tabata conoce contenido di esey.

 

Articulo 233

Un condicion negocia den e condicionnan general ta anulabel, si:

  1. Tumando na cuenta e indole y demas contenido di e convenio, e forma con e condicionnan a concretisa, e interesnan mutuamente conoci di partidonan y e demas circunstancianan di e caso, ta iirasonabelmente pisa pa e contrapartido, o
  2. E usuario no a ofrece e contrapartido un posibilidad rasonabel pa tuma nota di e condicionnan general.

 

Articulo 234

  1. E usuario a ofrece e contrapartido e posibilidad, referi den articulo 233, sub b, si e:
    1. sea a facilita e contrapartido e condicionnan general, anterior na, o na momento di cera e convenio,
    2. sea, si esaki no ta rasonabelmente posibel, anterior na e concretisacion di e convenio a anuncia na e contrapartido cu e condicionnan ta cerca su persona pa revision, o ta deposita na un oficina di su indicacion di e registro comercial , o griffie di Huzgado di Prome Instancia, y tambe cu por manda nan pa e contrapartido riba peticion.
  2. Si e condicionnan no a ser pasa pa e contrapartido prome cu o na momento di cera e convenio, e condicionnan pretendi tambe ta anulabel, si e usuario no manda e condicionnan riba peticion di e contrapartido inmediatamente, riba costo di e usuario , pa e contrapartido.
  3. Loke ta stipula den e prome inciso, sub b, y inciso dos encuanto e obligacion di manda (condicion), no ta aplicabel, asina leu cu e envio aki no por ser rekeri rasonabelmente di e usuario..

 

Articulo 235

  1. Por haci tambe un apelacion riba e base pa anulacion, referi den articulo 233, sub a, e partido pa ken e condicionnan general a ser usa pa un apoderado, si e contrapartido ta cera convenio mas biaha, pa cual e mesun o casi mesun condicionnan general ta aplicabel.
  2. Un partido cu mas biaha ta usa mesun o casi mesun condicionnan general den su convenionan, no por apela na e basenan pa anulacion, referi den articulo 2333 y 234.
  3. E periodo, referi den articulo 52, inciso uno, sub d, di Buki 3, ta cuminza cu inicio di e dia, cu ta sigui esun riba cual a haci un apelacion riba e condicion.

 

Articulo 236

Den un convenio entre un usuario y un contrapartido, un persona natural, cu no ta actua den ehercicio di un profesion o un empresa, ta ser indica como irasonabelmente pisa, un clausula den e condicionnan general:

    1. cu ta kita total y incondicionalmente e derecho di e contrapartido pa exigi e prestacion comprometi pa e usuario;
    2. cu ta exclui o limita e facultad di disolucion perteneciente na e contrapartido, manera esaki ta regla den seccion 5;
    3. cu ta exclui o limita un facultad perteneciente na e contrapartido segun ley, o ta duna e usuario un facultad mas amplio pa suspension, cu segun ley ta toca su persona;
    4. cu ta laga e evaluacion di e pregunta, si e usuario den cumplimento di un o mas di su compromisonan a laga di cumpli enteramente, na su mes persona, o cu ta pone e ehercicio di e derechonan cu segun ley e contrapartido tin encuanto tal cumplimento no completo, dependiente di e condicion cu e contrapartido mester a entabla caso hudicial prome contra tercer persona;
    5. a base di cual e contrapartido ta duna e usuario di antemano permiso pa pasa su obligacionnan deriva di e convenio, segun un di e maneranan referi den titulo 2, seccion 3, pa un tercer persona, a menos cu e contrapartido tin na tur momento e facultad pa disolve e convenio, o cu e traspaso ta tuma luga relaciona cu e traspaso di un empresa na cual tanto e obligacionnan como e derechonan negocia y clausula, ta pertenece;
    6. cu pa e caso den cual e derechonan deriva di e convenio pa e usuario, ta pasa pa un tercer persona, ta ocasiona cu ta exclui o limita facultad o medionan di recurso cu e contrapartido tin y por usa, pa ley, contra e tercer persona ey;
    7. cu ta reduci un periodo di ‘verjaring’ o caducidad segun ley, dentro di cual e contrapartido tin cu reclama algun derecho, te na un periodo di verjaring o caducidad di menos di un aña;
    8. cu pa e caso den cual den ehecucion di e convenio, daño ta ser haci na tercer persona di parti di e usuario o un persona o negoshi pa cual esaki ta responsabel, e contrapartido ta obliga di compensa e daño aki na e tercer persona, o di carga , den su relacion cu e usuario, pa un parti relativamente mas grandi, cu locual e ta obliga segun ley;
    9. cu ta duna e usuario e facultad pa aumenta e prijs cu a negocia y acorda, dentro di tres luna despues di a cera e convenio, a menos cu e contrapartido ta faculta pa disolve e convenio den e caso ey;
    10. cu den caso di un convenio pa suministro regularmente di asunto, incluyendo electricidad, o pa eherce cierto actividad regularmente, cu ta conduci na extension o renobacion silenciosamente di mas di un aña;
    11. cu ta exclui o limita e facultad di e contrapartido pa trece dilanti prueba, o cu ta cambia e reparticion di duna prueba segun ley na desbentaha di contrapartido, sea pasobra e ta contene un declaracion di banda di contrapartido encuanto e calidad debido di e prestacion debi na e contrapartido, sea cu e ta encarga e contrapartido cu e prueba cu un incumplimento di e usuario por ser reprocha na e usuario mes;
    12. cu na desbentaha di e contrapartido ta desvia di articulo 37 di Buki 3, a menos cu e tin relacion cu e forma di e declaracionnan cu e contrapartido tin cu haci o ta determina cu e usuario por keda considera e adres cu e contrapartido a duna na su persona, como esun duna, te ora anuncia na su persona un adres nobo;
    13. unda un contrapartido cu na momento di cera e convenio tin berdadero residencia localmente, ta scoge residencia na otro luga, otro cu den e caso cu e contrapartido pa cierto tempo no lo tin residencia berdadero conoci localmente, a menos cu e convenio ta relaciona cu un bien suheto na registro y ta scoge residencia na oficina di un notario;
    14. cu ta provee den terminacion di un disputa a traves di un otro cu, sea huez cu segun ley lo ta faculta, sea un o mas arbitro, a menos cu ta permiti e contrapartido un periodo di por lo menos un luna, despues cu e usuario a apela por escrito cerca e contrapartido e clausula pa scoge, pa terminacion di un disputa pa e huez cu ta faculta pa ley.

 

Articulo 237

Den un convenio entre un usuario y un contrapartido, persona natural, cu no ta actua den ehercicio di un profesion o empresa, ta supone di ta irasonabelmente di peso un clausula existente den e condicionnan general:

  1. cu ta duna e usuario un periodo inusualmente largo o insuficientemente determina pa reacciona riba un oferta o un otro declaracion di e contrapartido;
  2. cu ta limita realmente e contenido di e obligacionnan di e usuario en comparacion cu loke e contrapartido, tumando na cuenta tambe e reglanan legal cu tin relacion cu e convenio, por a spera rasonabelmente sin e clausula ey;
  3. cu ta duna e usuario e facultad pa provee un prestacion cu ta diferencia realmente di e prestacion comprometi, a menos cu e contrapartido ta faculta pa disolve e convenio den e caso ey;
  4. cu ta libera e usuario di su obligacion pa cu e convenio o ta dun’e e facultad pa tal, otro cu a base di e fundamentonan menciona den e convenio cu ta di tal indole, cu e obligacion aki no por ser rekeri di su persona;
  5. cu ta duna e usuario un periodo inusualmente largo o insuficientemente stipula pa e cumplimento;
  6. cu ta libera e usuario o un tercer persona completo o parcialmente di un obligacion legal di pago di daño y perhuicio;
  7. cu ta exclui o limita un facultad pa deduccion, cu ta coresponde na e contrapartido segun ley, o ta otorga na e usuario un facultad pa deduccion cu ta bay mas leu cu loke ta permisibel pa ley;
  8. cu como sancion pa cierto comportamento di e contrapartido, keda sin cumpli inclui den esey, ta stipula caducidad di su derechonan corespondiente o di e facultad di haci cierto apelacion, cu excepcion si e comportamento aki ta hustifica e caducidad di e derecho o apelacionnan ey;
  9. cu pa e caso cu ta termina e convenio, otro cu a base di e hecho cu e contrapartido a faya den cumplimento di su compromiso, ta obliga e contrapartido paga un suma di placa, cu excepcion si ta trata di un compensacion rasonabel pa e perdida sufri o ganashi no percibi di e usuario;
  10. cu ta obliga e contrapartido pa cera un convenio cu e usuario o tercer persona, a menos cu esaki, tumando na cuenta tambe e relacion di e convenio ey cu e convenio manera referi den e articulo aki, por rekeri esaki rasonabelmente di e contrapartido;
  11. cu pa un convenio manera intenciona den articulo 236, sub j, ta determina un duracion di mas di un aña, a menos cu e contrapartido tin e facultad pa termina e convenio cada vez despues di un aña;
  12. cu ta mara e contrapartido na un periodo di preaviso, cu ta mas largo cu tres luna o mas largo cu e periodo cu cual e usuario por renuncia e convenio;
  13. cu pa e validez di un declaracion cu mester ser haci pa e contrapartido ta determina un forma mas estricto cu pa esun rekeri di un acta priva;
  14. cu ta determina cu un poder otorga pa e contrapartido ta irevocable o no ta termina cu su fayecimento (contrapartido) o di su curatela, a menos cu e poder ta sirbi pa entrega di un bien suheto na registro.

 

Articulo 238

Den caso di un convenio manera referi den articulo 236 y 237, no por haci un apelacion contra e contrapartido, pa e hecho cu:

  1. e convenio ta cera den nomber di un tercer persona, si e apelacion aki ta basa riba e simple hecho cu un clausula di e indole aki ta existi den e condicionnan general;
  2. e condicionnan general ta contene limitacion di e facultad di un apoderado di e usuario, cu ta asina inusual cu e contrapartido no lo mester a anticipa esaki sin e clausula, a menos cu e tabata conoce nan.

 

Articulo 240

    1. Un persona legal manera intenciona den segundo inciso, ta faculta pa entabla un demanda contra un usuario, cu obhetivo di declara irasonabelmente di peso un clausula den su condicionnan general; articulo 233, sub a, 236 y 237 ta similarmente aplicabel. Pa e aplicacion di e frase anterior ta indica un clausula cu ta en pugna cu un stipulacion di ley obligatorio, como irasonabelmente di peso.
    2. E demanda ta atribuibel den caso di persona legal cu tin como obheto boga pa interes di consumidor final di bienes cu no ta destina pa un profesion o empresa.  E por tin relacion solamente cu condicionnan general cu ta usa o ta destina pa ser usa den convenio cu persona di ken nan interes ta ser representa pa e persona legal.
    3. E demandante ta inadmisibel, si no resulta cu e, previo na entabla e demanda, a duna e usuario e oportunidad pa den mutuo consulta modifica e condicionnan general di tal forma, cu e obhecionnan cu lo por ta base pa e demanda.
  1. A ser elimina. Un periodo di seis luna despues di e notificacion por escrito di e obhecionnan ta en todo caso suficiente pa esey.
    1. Asina leu cu un persona legal a aproba e uso di clausula den condicionnan general, no tin demanda atribuibel, manera referi den inciso uno, pa e persona legal.

 

Articulo 241

  1. Corte Comun di Antiyas Hulandes y Aruba ta exclusivamente faculta pa acepta tratamento di demanda manera referi den articulo 240.
  2. E personanan legal, manera intenciona den articulo 240, inciso dos, tin e facultad, regla den articulo 214 y 287 di Codigo di Procedimento Civil di Aruba; articulo 290 di e codigo ey no ta aplicabel.
  3. Riba demanda di e demandante por añadi na e veredicto:
  4. un prohibicion di uso di e clausulanan afecta pa e veredicto;
  5. un condena pa publica o laga publica e veredicto, esey segun e manera stipula pa huez, y riba gasto di e partido o partidonan indica pa huez.
  6. Huez por indica den su veredicto, di cual manera por elimina e caracter irasonabelmente di peso di e clausulanan, cu ta relaciona cu e veredicto.
  7. Disputa encuanto e ehecucion di e condenanan referi den inciso tres, y tambe di e condena na pago di un multa coercitivo (dwangsom), si esaki a ser imponi, ta ser dicidi exclusivamente pa Corte (Comun).

 

Articulo 242

  1. Riba demanda di un usuario contra ken a duna e veredicto indica den articulo 240, inciso uno, huez por modifica o kita e veredicto ey, a base di cu a consecuencia di un cambio den e circustancianan e no ta hustifica mas.
  2. E demanda ta ser dirigi contra e persona legal cu a entama e demanda riba cual a haci e veredicto. Si sin embargo e persona legal ey ta disolvi, ta convoca e otro personanan legal menciona den e peticion manera intenciona den articulo 240, inciso dos, pa ser scucha encuanto e peticion, como parti interesa; huez por convoca tambe tal personanan legal cu no ta menciona den e peticion.
  3. Articulo 241, inciso uno y dos, inciso tresm sub b, y inciso cinco, ta di aplicacion corespondiente.
  4. E prome te cu, y inclusive e tercer inciso no ta aplicabel, asina leu cu e veredicto ta relaciona cu un clausula cu pa ley ta ser marca como irasonabelmente di peso.

 

Articulo 243

Un clausula den condicionnan general, cu ta ser inclui den un convenio, en pugna di e prohibicion, pa esun contra ken a duna veredicto di prohibicion di uso di tal, ta anulabel. Articulo 235, inciso cuatro, ta di aplicacion corespondiente.

 

Articulo 244

  1. Un persona cu ta actua den ehercicio di un profesion o empresa, no por apela na un clausula den un convenio cu un partido, cu encuanto e bienes o servicio cu ta relaciona cu e convenio ey, haciendo uso di condicionnan general a cera convenio cu su cumpradonan, asina leu cu un apelacion riba tal clausula lo tabata irasonabel pa via di e corelacion estrecho cu un clausula existente den e condicionnan general, cu a base di e seccion aki ta anula o ta afecta pa un veredicto manera intenciona den articulo 240, inciso uno.
  2. Si a entama un demanda contra un usuario manera intenciona den articulo 240, inciso uno, anto e ta faculta pa laga convoca e persona ey den e disputa cu e meta di scucha expresa como declaracion di titularidad cu un apelacion manera intenciona den inciso uno lo ta irasonabel. Articulo 241, inciso dos, inciso otres, sub b, inciso cuatro y cinco, como tambe articulo 71, 72, y 76 di Codigo di Procedimento Civil di Aruba ta di aplicacion corespondiente.
  3. Riba e veredicto, articulo 242 ta di ta di aplicacion corespondiente.
  4. Riba anterior convenio relaciona cu bienes y servicio anteriormente menciona, inciso uno te cu inciso tres ta di aplicacion corespondiente.

 

Articulo 245

E seccion aki no ta aplicabel, ni pa convenio laboral, ni pa contrato laboral colectivo.

 

Articulo 246

No por desvia di e articulonan 231 te cu, inclusive 244. E facultad pa anula un clausula a base di e seccion aki a traves di un dictamen extrahudicial, no por ser exclui.

 

Articulo 247

  1. Riba convenio entre partido cu ta actua den ehercicio di un profesion o empresa, y cu ambos ta estableci localmente, e seccion aki ta aplicabel, irespecto e ley cu ta goberna e convenio ey.
  2. Riba convenio entre partido cu ta actua den ehercicio di un profesion o empresa, y cu no ambos ta estableci localmente, e seccion aki no ta aplicabel, irespecto derecho cu ta goberna e convenio.
  3. Un partido ta estableci localmente den sentido di inciso uno y inciso dos, si su sede principal o, si e prestacion segun e convenio mester ser haci pa un otro establecimento cu e sede principal, e otro establecimento ta presente localmente.
  4. Riba convenio entre un usuario y un contrapartido, persona natural, cu no ta actua den ehercicio di un profesion e empresa, si e contrapartido tin su residencia normal localmente, ta aplicabel e seccion aki, irespecto e derecho cu ta goberna e convenio.
Scroll To Top
© 2024 Servicio na defensa di consumidor (SEDECO) | Privacy | Cookies | Disclaimer