Den caso di un disputa encuanto huur o asunto di consumidor, e inquilino o e consumidor por entrega un reclamo na Departamento di Proteccion di Huur y Consumidor di Sedeco. Cada reclamo cu registra ta contribui na mantene supervision riba cumplimento cu derecho di huur y consumidor, logra un miho imagen di desaroyo di mercado y e adaptacion di nos maneho a base di esaki.
Por entrega un reclamo tanto personalmente na oficina como digitalmente via nos website o emailadres. Nos servicio ta recomenda en particular entrega un reclamo digitalmente. Esaki por via nos website (Entrega reclamo) o via nos emailadres [email protected].
E bentaha di entrega digital di un reclamo ta cu esaki ta facil pa haci via un telefon o computer. Banda di esey esun cu ta entrega ta haya tambe un prueba di entrega y un number relaciona cu e registracion di e reclamo entrega. Si ta scoge pa entrega un reclamo en persona, anto ta pidi encarecidamente pa traha un cita prome cu un consulent via telefon 5829914 pa asina evita cu e cliente mester warda te ora tin un consulent disponibel pa registracion di e reclamo.
