Verjaring (prescripcion) ta e termino usa pa e situacion den cual tanto tempo a pasa, cu e derechonan a bay perdi y no por demanda pago mas. Pa motibo di esaki no por logra demanda cu exito cerca un huez. Esey sin embargo no ta implica – mira posteriormente – cu e demanda nunca a existi. E demanda ta keda existi, pero no ta huridicamente procesabel.

E regla general ta cu un demanda legal ta caduca despues di 20 aña (art. 3:306 BWA). Den caso di un convenio/contrato, ta conta un termino di verjaring/prescripcion di 5 aña (art. 3:307 inciso 1 BWA). Den caso di un compra di consumidor e posibilidad di demanda hudicial pa pago di e suma di compra ta caduca despues di 2 aña(art. 7:28 BWA).