E seccion di Asunto di Consumidor tin dos tipo di cliente, esta e consumidor y e proveedor. Aki ta sigui e procedimento pa servicio na cliente, di e consumidor y e proveedor.

Tratamento di reclamo di Consumidor

Stap 1: Intake

E consumidor ta entrega un reclamo. Por entrega reclamo personalmente na oficina (Wayaca 33-E) o digitalmente via nos website (reclamo consumidor). Ta obligatorio pa identifica bo mes cu un documento di identidad oficial. Tur reclamo tanto di consumidor como proveedor mester ta registra pa mantene supervision riba desaroyo di mercado y pa cu esey por adapta o fiha maneho pa cu consumidor. E registracion ta tuma luga den un reportahe di caso di consumidor y e consumidor ta haya un number di reclamo.
Dependiendo di e reclamo e consulent ta duna conseho na e consumidor y pa dirigi esaki den e direccion corecto.

A base di e conseho di e consulent, e consumidor lo scoge te unda e kier yega cu su reclamo. Y kico ta e siguiente pasonan pa logra su derechonan.

Stap 2: Consumidor ta manda un carta di reclamo na e proveedor

Si e consumidor ta desea di demanda cumplimento cu su reclamo, e consumidor mes mester manda prome un carta di reclamo certifica o un email na e proveedor. E consulent (!?) mester pone anto na conocimento di e proveedor cu e ta insatisfecho cu e producto o servicio. Den e carta di reclamo e consumidor mester indica pakico e ta insatisfecho, kico e ta spera encuanto esey y pa ki tempo e ta spera un solucion di e proveedor. E consumidor den esey anto mester expone e problema, anota riba ki fecha el a papia cu e bendedo y skirbi claramente loke e ta desea: reparacion o reemplaso.
Den e carta mester ta para tambe prome cu cual fecha e problema mester ta soluciona y cu eventualmente e consumidor kier deshaci (parcialmente) di e compra. E carta mester ta manda mas pronto posibel despues cu e consumidor a detecta e problema, preferiblemente dentro di e periodo di garantia. Warda e prueba di a manda e carta hunto cu un copia di e carta.
Hacie bo mes. Notifica bo reclamo simple y rapido.

Stap 3: Mediacion (si ta necesario)

Si e reclamo no a keda trata y atendi cu informacion general y conseho huridico, por, si ta desable y posibel, pasa pa mediacion. Esaki ta un forma di soluciona disputa den cual un tercer persona imparcial, den e caso aki e servicio, ta guia y apoya e partidonan pa yega na un solucion cu cual ambos partido por ta conforme. Den e entrevista di mediacion e consulent ta puntra primeramente e proveedor pa duna su banda di e asunto. Despues e consulent mester splica e proveedor e legislacion aplicabel, kico ta su derecho y debernan. E consulent ta obliga di registra e entrevista y su resultadonan por escrito den un rapport di mediacion.

Tratamento di reclamo di proveedor

Si e proveedor ta bati na porta di SEDECO pa ayudo o conseho, e tratamento di e reclamo ta tuma luga casi igual manera den e caso di e consumidor. Ta na beneficio di e consumidor pa soluciona un caso prome cu e bira un caso na corte.

Paso 1: : E consulent mester registra e reclamo den un raportahe di caso (casus rapportage). Cu nomber di e (persona di) contacto, nomber di empresa.

Paso 2: Pidi respuesta

Esaki ta encera cu e consulent mester bay acerca e consumidor pa duna su opinion tocante e reclamo.

Paso 3:  Mediacion y solucion

SEDECO ta guia y apoya partidonan pa yrga na un solucion cu cual ambos partido por ta conforme.